•කොතැනද..

"කළණගේ රුව ඇඳුනෙ කොතනද..."

කලාවැව ඉස්මත්තෙ..

බුදු සමිදුගෙ රුව මැව්වට..

බරණගේ රුව රැඳුනෙ කොතැනද..

සිහගිරේ බිත්තියක..

කේතකිය ඇඳුනට..

කළණගේ රුව ඇඳුනෙ කොතැනද..

•කුඹලා...

 "රහසේම නික්ම යති කුඹලුන්..."

ගේ හදලා..

බිත්තරදාල..

එන පැටවුන්ට ඇති තරම්..

කෑම ගොඩගහලා..

ගේ වහලා යන්නම යනවලු

කුඹලා..

පැටවුන්ගෙන් කිසිවක් නොඉල්ලාම

බලාපොරොත්තු වෙන්නෙම නැතුව..

සොබාදහමට යුතුකම් ඉටුකොට...

පැටවුන්ට සුරක්ෂිත හෙටක් සදා..

උන් නික්මෙනවලු රහසේම...

දරුවන් හදා, දරුවන් වදා..

උන් ජීවිතයම..

තම සතුට කරගෙන..

තම බලාපොරොත්තු ඉටුකොටගෙන..

තමන්ට බැරිවුන හීනද...

දරුවන්ගෙන් දැක සැනහෙන..

පෙරළා යුතුකම් බලාපොරොත්තු 

පොදි ගහගන්න..

මිනිස් මාපියො අතර..

කෙතරම් උතුම්ද..

කුඹලා......