•තනි තරුවේ

"ඈත අහසෙ පාලු කොනක
තනිව දිලෙන තනි තරුවේ..."

තනි තරුවේ...
තනි තරුවේ...
ඈත අහසෙ පාලු කොනක
තනිව දිලෙන තනි තරුවේ...
අන්සතු එලියෙන් බබලන
ලප කැළලින් අවලස්සන
චෞර රැජින සරා සඳට
නොදෙවෙනි මගෙ තනි තරුවේ...
ඔබෙ එලියෙන් දිදුලන
නෙත් සනහන රුවින් සපිරි
ආඩම්බර සඳට පවා
එළිය සදන තනි තරුවේ...
සඳක් වෙන්න හීන මවන
දහස් ගනන් තරු අතරේ
ජීවිතයේ බහ තේරුව
මහ පොලොවට පෙමින් බැඳුනු
අමරණීය තනි තරුවේ...

•සොඳුරු සැඳෑවක

"හැකිද ජීවිතය විඳින්නට..."

දුම්රියෙන් නැඟෙන හඬ තාලයට
සමුදුරෙන් හමන සැඩ සුළඟට
අතරමැද ඉඳන් පොල් ගහක් යට
හිස්වෙන ගල් බෝතලයකට
හැකිද ජීවිතය විඳින්නට...

•••••••••••••••••••••••••••••••••••••••••••••••

මොරටුව සිට කලුතරට මුහුදුබඩ දුම්රිය මඟෙහිදී...